Голем број на несакани ефекти се можни ако комбинирате алкохол и лекови.
Сезона е на настинки и грип, а болестите се многу почести. И обично тогаш, ако се покаже дека е бактериска инфекција, лекарите препишуваат антибиотици.
Сепак, иако во тие моменти треба да се одмори и да се пие супи и чаеви, има луѓе кои посегнуваат по алкохол, мислејќи дека една чаша вино во комбинација со антибиотик не е ништо страшно.
Но, дали воопшто треба да се мешаат алкохолот и антибиотиците?
Во секое упатство за лекот пишуваат точни индикации, мерки на претпазливост и несакани ефекти, кои секој треба детално да ги прочита пред употреба. Експертите дефинитивно советуваат дека треба да се избегнува конзумирање на алкохол со лекови, особено што може да го спречи ефектот на самиот лек.
Алкохолот може да ви ја намали енергијата и само да го продолжи третманот. Тоа е и еден вид диуретик, бидејќи предизвикува дехидрација и чести одења во тоалет. Освен тоа, алкохолните пијалоци можат само да ги засилат симптомите на болест, настинка или грип, а ќе почувствувате вртоглавица и поспаност.
Што е најлошото што може да ви се случи?
Освен што не треба да пиете алкохол за време на терапијата, треба да го избегнувате и по прекинот на земање на некои лекови. Затоа, не смеете да пиете алкохол 48 часа по прекинот на метронидазол и 72 часа по тинидазол (вид на антибиотик).
Мешањето алкохол и лекови може да предизвика сериозни несакани ефекти:
- тешко дишење
- главоболка
- болка во градите
- зголемено или неправилно чукање на срцето
- зголемено или неправилно чукање на срцето
- вртоглавица
- гадење и повраќање
Сепак, секогаш консултирајте се со доктор пред да го употребите самиот лек, особено кога станува збор за антибиотици и никогаш не ги земајте сами, бидејќи пречестата употреба може да доведе до отпорност на нив – што значи дека тие ќе имаат сè помал ефект врз организмот.
