29 март, 2024
ПочетнаАВТОБИЗ22 премиери потврдени за во Лос Анџелес

22 премиери потврдени за во Лос Анџелес

los angele

Автомобилската индустрија полека се подготвува за претстојниот саем за автомобили во Лос Анџелес, кој ќе започне за нешто повеќе од еден месец, поточно на 20-ти ноември. За оваа манифестација досега се потврдени 22 премиери.

Меѓу споменатите нови производни верзии и концепти, еден веќе привлече многу внимание на себе, а станува збор за „Porsche Macan“ за 2015-та година, на кој друштво ќе му прават уште два засега непознати модели.

Уште еден потполно нов автомобил кој ќе има премиера во „градот на анѓелите“ е „MINI Cooper“ во верзијата за производство за 2015-та година. Заснован на концептот „MINI Vision“, „Cooper“ ќе има нови агрегати во понудата, како и подобар стилски изглед.

„BMW“ ќе ја претстави купе верзијата на Серија 4, како и редизајнираните Серија 5 и Серија 5 „Gran Turismo“. „Mercedes“ на американскиот пазар ќе ги донесе „GLA 250“ и „S63 AMG“, како и уште четири нови модела. Се уште не е познато за кои автомобили станува збор, но се претпоставува дека V12 „S65 AMG“ би можел да биде еден од нив.

„Audi“ ќе претстави три модели, додека „Volkswagen“ ќе најави пет, меѓу кои и електричниот „e-Golf“, а можеби и редизајнираната „Jetta SportWagen“.

Во Лос Анџелес ќе се најде и новиот „Cadillac Escalade“, додека „Subaru“ ги најави редизајнираните „WRX“ и „WRX STI“, a „Nissan“ во Калифорнија ќе ги донесе „NISMO Juke RS“, како и концептот „NISMO“.

Покрај споменатите компании се очекува премиери да имаат и „Ford“, „Hondа“, „Hyundai“, „Jaguar“, „Land Rover“ и „Toyotа“.

НАЈНОВИ ВЕСТИ

ХОРОСКОП