Објавени се спецификациите и фотографиите од новиот мобилен телефон на „Samsung“ кој ќе биде на преклопување, а поточно станува збор за моделот „SM-W2014“.
Според информациите се истакнува дека мобилниот ќе има двоен 3.67 инчен „Super AMOLED“ екран со резолуција од 800×480 пиксели, задна камера од 13 и предна од 2 мегапиксели.
„Samsung SM-W2014“ ќе има 2GB RAM, а ќе работи на оперативниот систем „Android 4.3 Jelly Bean“ и ќе има „WiFi“ поддршка.
Се шпекулира дека неговата тежина ќе изнесува 173 грама, а неговите димензии ќе бидат 116,85×59,4×15,79 mm.
Мобилниот телефон ќе биде пласиран ексклузивно на кинескиот пазар.
