Неодамна објавен документ открива некои од плановите на „Stellantis“ за годините што следат, вклучувајќи два нови електрични модели на „Jeep“.
Покрај моделите „Wagoneer S“ и „Recon“ кои се очекуваат до 2025-та година, во документот потпишан од претставници на синдикатот со групацијата „Stellantis“ се наведува дека за 2027-ма година се планира електричен „Grand Cherokee“, а за 2028-ма година е планиран и „Wrangler EV“.
Додека „Wrangler“ ќе се гради во фабриката во Толедо, „Grand Cherokee“ ќе излезе од фабриката за склопување во Детроит.
Двете возила ќе бидат базирани на платформата „STLA Frame“, а со оглед на тоа дека има уште 4-5 години до нивното претставување, немаме никакви официјални информации за батериите и другите карактеристики.
Гледајќи некои постари најави, „Stellantis“ ќе инвестира 19 милијарди долари во нови капацитети за батерии, надградба на капацитети, обука за електрични возила и развој на нови електрични возила до април 2028-ма година. Од нив, околу 9,4 милијарди долари се наменети за три нови фабрики за батерии.
