„Toyota“ го претстави „EPU“, концепт на електричен пикап со средна големина што го прикажува идниот сериски модел со самоносечко тело.
Концептот е направен во духот на исто така електричниот „SUV“ концепт „Land Cruiser Se“, за кој претходно пишувавме.
Како што велат во „Toyota“, електричниот погон не само што ја подобрува удобноста при возењето и карактеристиките на возење благодарение на нискиот центар на гравитација, туку и носи повеќе корисен простор во кабината.
Со оглед на тоа што предниот дел на возилото, каде што се наоѓа електромоторот, не зафаќа премногу простор, хаубата е пократка, а патничката кабина на пикапот е подолга.
Се претпоставува дека „Toyota EPU“ и гореспоменатиот „Land Cruiser Se“ ја делат истата механичка платформа, иако пикапот е нешто пократок (5070 mm), но неговото меѓуоскино растојание (3350 mm) е затоа поголемо од она на електричниот „SUV“.
Внатрешноста е намалена, а контролната табла е целосно дигитализирана. Со оглед на тоа дека се работи за концепт возило, „Toyota“ си „поигра“ со обликот на воланот, кој сепак треба да биде кружен во серискиот модел.
Конечно, треба да се нагласи дека серискиот модел е првенствено наменет за американскиот пазар, каде што пикап возилата се многу популарни.
Откако ќе добие поинтересно име, сериското возило би требало да им конкурира на модели како „Ford Maverick“ или „Hyundai Santa Cruz“.
