Нил Полвин ја истражува долговечноста повеќе од 20 години.
Самиот е лекар, а едно од најчестите прашања кои ги добива од пациентите е какви додатоци во исхраната зема за да го забави стареењето.
„Додатокот што го земав секој ден во последните неколку години е таурин, есенцијална аминокиселина која игра витална улога во дигестивниот, кардиоваскуларниот, скелетниот, мускулниот и нервниот систем“, напиша тој во статија за CNBC.
Оттогаш, тој забележал подобрувања во нивото на енергија, перформансите на вежбање и времето за опоравување.
Можеби многу луѓе не слушнале за таурин, но има се поголем број истражувања посветени на откривање на неговиот потенцијал. Еве некои од неговите потенцијални придобивки:
-може да го подобри здравјето на срцето
-може да ги поттикне митохондриите
-може да го стимулира производството на матични клетки
-може да ја зголеми мускулната маса
-може да го намали крвниот притисок
Тауринот не е магична напивка за долговечност.
Д-р Полвин наведува дека зема околу 2.000 милиграми таурин дневно, но ги советува оние кои штотуку почнуваат да го земаат да започнат со околу 500 милиграми, а потоа постепено да ја зголемуваат дозата.
„Имајте на ум дека рамнотежата и умереноста се клучни. И ако не сакате да одите на рутата на додатоци, можете да додадете повеќе храна богата со таурин во вашата исхрана. Некои од моите омилени вклучуваат пилешко, туна, алги и говедско месо“, предлага докторот.
Иако додатоците во исхраната можат да играат улога во здравјето и долговечноста, тие треба да бидат дел од сеопфатен и холистички пристап кон благосостојбата што вклучува здрава исхрана, редовна физичка активност, управување со стресот и избор на здрав начин на живот. Секогаш консултирајте се со вашиот лекар пред да земете нов додаток во исхраната.
