Пред само две години „Fisker“ беше еден од брендовите кој најмногу ветуваше кога станува збор за еколошките електрични автомобили. Но, оваа компанија банкротираше минатата пролет и сега остана да се распродаде имотот на компанијата на аукција.
Оваа компанија сега има само неколку вработени кои ја одржуваат администрацијата, но и тие наскоро ќе ги напуштат своите работни места.
Аукцијата е чекор кој американското министерство за енергетика го превзема со цел да ги поврати позајмените средства во износ од околу 120 милиони евра. Тие му беа обезбедени на „Fisker“ во рамките на контроверзната владина програма да се помогне во развојот на возила кои користат алтернативен погон.
Новиот сопственик кој ќе го купи имотот и интелектуалната сопственост на компанијата би можел да ги искористи во развојот на сопствена технологија на електрични возила.
