21 јули, 2024
ПочетнаТЕХНОЛОГИЈАПретставен е новиот, потенок и поскап „PlayStation 5“ (ВИДЕО)

Претставен е новиот, потенок и поскап „PlayStation 5“ (ВИДЕО)

„Sony“ официјално ги претстави новите модели на конзолата „PlayStation 5“.

Станува збор за модели со отстранливи читачи на „Blu-ray“ дискови, а сепак ќе има два модели – еден со читач на дискови и „Digital Edition“ без читач, но ќе може да се додаде читач за 120 евра.

Новите модели на „PlayStation 5“ ќе бидат за 30% помали од претходните, а ќе имаат четири страни. Исто така, моделите „PS5 Slim“ ќе доаѓаат во пакет само со држач за хоризонтална положба, додека држач за вертикална положба ќе се продава за 30 евра.

Единствената функционална промена однадвор е дополнителен „USB-C“ влез на предната страна на уредот, додека претходниот „USB-A“ влез е отстранет од предната страна. Моќта останува иста, но SSD-то ќе има малку поголем капацитет – 1TB наместо досегашните 825GB.

Што се однесува до цените, „PS5“ со „Ultra HD Blu-ray“ диск чини 550 евра, додека „PS5 Digital Edition“ чини 450 евра.

Споменатите модели на „PlayStation 5“ ќе бидат пуштени во продажба од ноември оваа година, а ќе бидат достапни на одредени трговци. Овие модели ќе ги заменат претходните, па сегашните се продаваат само додека има залихи.

НАЈНОВИ ВЕСТИ

ХОРОСКОП