Од 1-ви до 7-ми октомври, во неделата која се одбележува основањето на Народна Република Кина, трговските синџири во Кина оствариле промет од 870 милијарди јуани (142 милијарди долари).
Во овој износ влегуваат и заработките на рестораните и другите угостителски објекти.
Според податоците на Министерството за трговија, ова е за 13.6 проценти повеќе отколку во минатата година за време на националниот празник.
Овој период се нарекува „златната недела“, затоа што во тоа време се и најголемите попусти во Кина. Дури и најскапите ресторани за време на празникот имаат големи попусти.
Во текот на „златната недела“ милиони кинези заминуваат на одмор, а во тоа време е и најголемата посета на туристи на Кина.
Постои уште една „златна недела“ за трговците и купувачите, а таа е на крајот на јануари и почетокот на февруари, со цел да ја прослават кинеската нова година.
