Доколку се сомневавте во можностите на кинеската автомобилска индустрија, овој модел ќе ги убеди и најскептичните. Покрај овој модел, лесно можете да заборавите на сите технологии со кои се пофалија премиум претставниците од Западот – „BYD YangWang U8 Premium Edition“ ги засени сите.
Можеби најконтроверзната точка на овој модел е дизајнот. Не затоа што изгледа лошо, туку затоа што многу потсетува на „Defender“ на „Land Rover“.
Сепак, ова е поголемо возило поставено на тркала од 22 инчи.
Погледот внатре веќе открива дека ова е сериозна закана за заспаната западна конкуренција. Од една страна нуди „Nappa“ кожа и скапоцено дрво, а од друга повеќе екрани отколку што има просечно домаќинство.
Возачот и совозачот имаат екран од 23,6 инчи, 12,8 инчен дисплеј е во средината, а уште два се во потпирачите за глава позади и еден меѓу патниците во потпирачот за раце.
Кинезите се дарежливи, па како „Rolls-Royce“ нудат ѕвездено небо на покривот, „Hi-fi“ аудио систем „Dynaudio Evidence Series“ со 22 звучници, но и три безжични полначи, како и фрижидер. А ние не ја ни изгребавме површината на технологијата со која располага овој огромен теренец.
Нема слаби точки ниту во однос на погонот. Има четири електромотори, а синергетскиот ефект е дури 1.200 ks. Така ова чудовиште достигнува 100 km/h за само 3,6 секунди и достигнува ограничена максимална брзина од 200 km/h.
Веројатно единствената слаба точка е полнењето, имајќи предвид дека поддржува максимална моќност на полначот до 110 kW. „BYD“ наведува дека батеријата може да се наполни од 30% до 80% капацитет за само 18 минути.
Ова е резултат на вградување помала батерија со капацитет од 49 kWh, но и 2.0 бензински мотор, што значи дека се работи за plug-in хибрид.
А неговиот погон може да „работи“ во спротивна насока, со моќност до 6 kW, кога ја снабдува семејната куќа со струја над 24 часа. Да не зборуваме за кампување.
Да додадеме дека теренските можности, според ветувањата на производителот, сѐ уште подобри од класата „Mercedes G“. Досегот на електрична енергија е 180 km, а вкупниот со 75 литри бензин е над 1.000 km.
Четири независни мотори значат дека е возможен и маневар на ротација околу вертикалната оска (на место, како газета), што вообичаено го промовира американскиот „Rivian“.
Овој теренец не се плаши ни од поплави, бидејќи кога е поплавен, може да лебди, па дури и да „плива“ половина час. Нема да застане дури и ако една гума се дупне, но суспензијата ќе се прилагоди на возењето на три тркала, сето тоа благодарение на хидрауличниот систем „DiSus-P“.
Конечно, има 38 сензори кои вклучуваат три „LiDAR“, пет радари, 14 ултразвучни сензори и 16 камери. Во цената се вклучени сите системи за помош, вклучително и автоматска контрола.
Во иднина ќе нуди автономно возење по автопат.
И, конечно, овој модел со сите наведени содржини и функции чини околу 140.000 евра. По оваа цена допрва почнува далеку послабата и помалку опремена конкуренција.
