По официјалното претставување на новиот модел на „Fiat 600e“ во Лингот на 4 јули, италијанскиот производител најавува хибридна верзија која ќе биде достапна од 2024-та година.
Новиот „Fiat 600“ ќе биде достапен само во електрична или електрифицирана верзија, а хибридната верзија ќе биде наменета за оние земји каде што транзицијата кон електрични автомобили сѐ уште е бавна, велат од компанијата.
Хибридниот погонски систем ќе биде достапен во две нивоа на опременост: „New Fiat 600 Hybrid La Prima“, најексклузивната верзија и „New Fiat 600 Hybrid“, најприфатливата верзија.
Моторот MHEV („лесен хибриден“) инсталиран во новиот „Fiat 600 Hybrid“ му овозможува на возачот да се движи само на електрична енергија не само во градот со брзина до 30 km/h, туку и на градски и селски патишта кога возачот ќе ја ослободи педалата за гас на рамнина или удолница, а во иста ситуација е и на автопат.
Тајната на перформансите лежи во синергијата помеѓу 3-цилиндричниот 1,2 литарски мотор со внатрешно согорување од 100 ks, 48-волтната Li-ion батерија и новиот 6-брзински електричен менувач со двојна спојка, вклучувајќи го е-моторот од 21 kW.
„Додадената“ електрична енергија ја подобрува еластичноста при ниски вртежи и при движење, обезбедувајќи му на возачот тивок старт и брз одговор, со транспарентни и брзи премини.
Покрај тоа, оваа технологија овозможува враќање на енергијата кога возилото забавува.
Во нормални услови на возење, моторот е дизајниран да ја оптимизира потрошувачката на гориво и да ги намали емисиите на CO2 до 15% во споредба со „обичниот“ мотор со автоматски менувач, со само 110 до 114 g проценети емисии на CO2 што го прави конкурентен со другите марки, велат во „Fiat“.
Новиот „Fiat 600 Hybrid“ овозможува забрзување до 100 km/h за само околу 11 секунди и практично моментална испорака на вртежниот момент од електричниот мотор.
Електрично возење
Хибридниот погон има повеќе предности, особено при стартување во 100% електричен режим (е-старт): мазен, тивок и без трошење бензин. Исто така, електричниот мотор ја подобрува ефикасноста и динамиката на возилото, овозможувајќи автомобилот да се вози со исклучен SUS мотор во одредени ситуации.
Овој режим се активира за време на градско возење со брзина до 30 km/h, со целосно електричен досег од 1 km на градски и селски патишта при непречено возење, кога возачот ја пушта педалата за гас во стабилизирани услови или надолнина, и во истата ситуација на автопатот.
Напојувањето само со електрична енергија може да се користи и за функцијата e-creeping, која се користи за изведување на серија кратки движења нанапред без притискање на педалата за гас, на пример, во сообраќаен метеж (е-queueing).
Автомобилот може да се паркира и во 100% електричен режим, или во прва брзина или во рикверц (е-parking). Дополнително, хибридниот погон е дизајниран да ја враќа енергијата при забавување.
Предностите на оваа технологија се веднаш видливи: помала потрошувачка и емисија на штетни гасови и поголема грижа за животната средина. Помалку шум и повеќе удобност и забава, благодарение на флуидноста на двојната електрична спојка и брзите реакции на погонскиот систем.
Новиот „600 Hybrid“ на италијанскиот пазар ќе биде достапен по цена од 19.950 евра со максимални субвенции, а основната цена е 24.950 евра.
