По неколку години истражување и развој, паметните телефони со флексибилен екран наскоро ќе станат реалност.
„Samsung“, според гласините, прв ќе претстави еден таков модел, а сега можеме да ги дознаеме и неговите најверојатни спецификации.
Според информациите, овој смартфон ќе го одликува екран од 4,7 инчи со резолуција од 720 x 1280 пиксели, како и оперативниот систем „Android 4.3 Jelly Bean“.
Исто така е познато дека паметниот телефон на „Samsung“ со флексибилен екран ќе работи на „quad-core“ процесор заедно со 2 GB RAM меморија, а ќе има и камера од 8 мегапиксели со „dual-LED“ блиц.
Се уште не е познато, кога точно компанијата ќе го претстави својот најнов паметен телефон, но се очекува тоа да се случи до крајот на оваа година или почетокот на следната.
