22 февруари, 2024
ПочетнаЕКОНОМИЈАИнфлацијата во Франција во јули забави на 4,3 отсто, а во Шпанија...

Инфлацијата во Франција во јули забави на 4,3 отсто, а во Шпанија забрза на 2,3 отсто

Годишната стапка на инфлација во Франција е забавена во јули на 4,3%, во позадина на значителното намалување на цената на енергетските производи и побавното зголемување на цената на прехранбените производи и индустриските производи, покажуваат податоците на француската статистички агенција „INSEE“.

Растот на потрошувачките цени забави за 0,2 процентни поени во однос на јунското ниво од 4,5 отсто. Ова е најниско ниво на инфлација за повеќе од една година.

На месечна основа, индексот на потрошувачки цени (CPI) порасна за 0,1 отсто, откако во јуни порасна за 0,2 отсто.

Забавувањето на инфлацијата во Франција минатиот месец беше забележано во позадина на падот на цените на енергетските производи – за 3,7% на годишна основа, што главно се должи на наглото забавување на порастот на цената на природниот гас – на 4,5 проценти споредено со пријавениот раст од 22% во јуни, според една статистичка агенција.

Годишната инфлација на храната забави на 12,7% во јули, откако се зголеми за 13,7% во јуни, а инфлацијата на индустриските производи се забави на 3,4% од 4,2%. Цените на облеката и обувките исто така поскапеа побавно, од 3,4% во јули по 5,3% во јуни.

Во Шпанија, пак, инфлацијата се забрзува. Конечните податоци на Националниот институт за статистика (INE) во петокот покажаа дека потрошувачките цени во земјата се зголемија за 2,3% во јули на годишна основа, откако регистрираа ниво од 1,9% во јуни.

Конечните податоци ја потврдија и експресната проценка објавена од „INE“ пред две недели и просечната проценка на аналитичарите анкетирани од „Reuters“.

Годишниот пораст главно се должи на повисоките цени на горивата и мазива за патнички автомобили, за разлика од падот што го забележаа во јули 2022-ра година.

Цените на облеката и обувките паднаа помалку отколку во јули 2022-ра година, додека оние на туристичките аранжмани пораснаа повеќе отколку во истиот месец минатата година.

Базичната инфлација, која ги исклучува нестабилните цени на свежата храна и енергијата, беше 6,2% во јули на годишна основа, што е исто така забрзување од јунското ниво од 5,9%.

НАЈНОВИ ВЕСТИ

ХОРОСКОП