Анемијата најчесто е предизвикана од недостаток на железо, а како што пишува Times of India, овој тип на анемија се јавува кога има недостаток на црвени крвни зрнца во нашето тело.
Иако постојат неколку знаци кои можат да укажат дека имаме анемија, еден феномен се уште е непознат за многу луѓе. Станува збор за испукани усни.
Како што објаснуваат лекарите, испуканите усни може да бидат еден од најраните симптоми на анемија, иако многу луѓе целосно не се свесни за тоа. Имено, пукањето најчесто ги зафаќа самите агли на усните, а заболените потоа често погрешно мислат дека причината е нагла промена на времето, ветер или некоја друга појава која не е поврзана со анемија.
Покрај тоа, недостатокот на железо може да биде индициран со многу други симптоми како што се хроничен замор, проблеми со дишењето или отежнато дишење, главоболки, болки во градите, заматен вид и грчеви во нозете.
