Парите не купуваат среќа, но ни помагаат да си дозволиме различни задоволства, а едно од нив е поседувањето на најдобрите и најлуксузните автомобили.
Нив ги купуваат милијардери или милионери кои навистина се грижат да имаат посебен автомобил и не бегаат да издвојат голема сума за ова задоволство. Доколку ве интересира кои се најскапите нови автомобили на сите времиња, останете во продолжение.
5. „Koenigsegg Trevita“
Цена: 4,3 милиони евра
Со ограничено производство од само три примероци, „Koenigsegg CCXR Trevita“ е еден од најексклузивните автомобили создадени од шведската компанија. Има моќен V8 мотор од 4,8 литри кој развива 1.018 ks, а може да забрза до 100 km/h за 2,8 секунди и да продолжи да забрзува до максимална брзина од 395 km/h.
4. „Pagani Huayra Imola“
Цена: 4,9 милиони евра
„Pagani Huayra Imola“ е специјално издание од кое беа произведени само пет примероци по лансирањето во 2019-та година. Има 6,0-литарски V12 битурбо мотор развиен од „Mercedes-AMG“ со 838 ks и 1100 Nm вртежен момент и вкупна тежина од 1.246 килограми. Од нула до 100 km/h забрзува за помалку од 3 секунди, а максималната брзина му е над 330 km/h.
3. „Rolls-Royce Sweptail“
Цена: 11,6 милиони евра
„Rolls-Royce Sweptail“ е уште еден пример до каде оди ексклузивноста на британската компанија. Претставен во 2017-та година, станува збор за елегантно купе кое е направено по нарачка, а во понуда е само еден примерок. Не се издвојува по своите перформанси, благодарение на 6,75-литарскиот V12 со околу 460 ks, но се издвојува по ексклузивноста и изработката што го зрачи неговиот дизајн.
2. „Bugatti La Voiture Noire“
Цена: 17 милиони евра
Вториот најскап автомобил на сите времиња е „Bugatti La Voiture Noire“, модерна реинтерпретација на класичниот „Type 57 SC Atlantic“. Создаден за да ја прослави 110-годишната историја на „Bugatti“, овој уникатен автомобил во светот е опремен со добро познатиот 8.0-литарски W16 мотор и четири турбини со 1.500 ks и 1.600 Nm вртежен момент.
1. „Rolls-Royce Boat Tail“
Цена: 23 милиони евра
Конечно, ја завршуваме оваа листа со најскапиот автомобил на сите времиња, „Rolls-Royce Boat Tail“, луксузен единствен кабриолет направен по нарачка. За неговото создавање биле потребни четири години работа, а инспириран е од едрењето. Опремен е со V12 мотор од 6,75 литри со 600 ks.