Минатиот месец „Asus“ го претстави „Fonepad Note 6“, својот „Android“ модел на фаблет.
Главна карактеристика на овој фаблет на „Asus“ е 6-инчниот „Super IPS+“ „touchscreen“ екран со „full HD“ (1920 x 1080) резолуција. Кога станува збор за хардверот, тука дојде до мало изненадување, затоа што „Asus Fonepad Note 6“ е опремен со „dual-core Intel Atom Z2580“ процесор со „Hyper-Threading“ технологија и со работен такт од 2 GHz.
Од останатите спецификации ги издовјуваме 2 GB RAM и 16/32GB интерната меморија, камерата од 8 мегапиксели со „LED“ блиц и „full HD“ (1080p) видео снимање, како и батеријата од 3200 mAh.
„Asus Fonepad Note 6“ доаѓа со „Android 4.2 Jelly Bean“ оперативниот систем, а сега ја дознавме неговата цена по која ќе се продава во Европа. Листата на европските продавници покажува дека тој ќе чини 350 евра, што го прави најевтиниот фаблет со 1080p во Европа и еден од најевтините 1080p смартфони.
