Ирак го забрани зборот хомосексуалност, воведена е фразата „сексуална девијација“

Официјалниот медиумски регулатор во Ирак вчера им нареди на сите медиуми и социјални мрежи, кои работат во оваа арапска земја, да не го користат терминот хомосексуалност, туку, наместо тоа, да ја користат фразата сексуална девијација.

Ирачката комисија за комуникации и медиуми (ЦМЦ) исто така објави дека е забранета употребата на терминот род, пренесува „Ројтерс“.

„Регулаторот им наредува на медиумските организации да не го користат терминот хомосексуалност и наместо тоа, да го користат точниот термин сексуална девијација“, се вели во официјалната изјава објавена на арапски.

Портпаролот на ирачката влада изјави дека сѐ уште не е одредена казна за прекршување на новото правило, но не ја исклучи можноста за глоба.