Се тестира една таблета за 70 видови на рак

По 20 години истражување, научниците создадоа таблета AOH1996, која ја напаѓа варијантата на канцероген протеин, односно нуклеарен антиген на клетките што се размножуваат (PCNA), присутен во повеќето канцерогени клетки, што го стимулира нивниот раст и репродукција. Во исто време, здравите клетки остануваат непроменети.

Таблетата AOH1996 е создадена во Лос Анџелес, во една од најголемите американски организации за истражување и третман на рак, пишува Sky News. Се покажа дека пилулата е ефикасна во лекувањето на повеќе од 70 различни видови на канцерогени клетки – од рак на дојка, простата, мозокот, јајниците, грлото на матката, кожата и белите дробови.

Во моментов е во тек првата фаза од клиничките испитувања

Професорката Линда Малкас, која го разви лекот, објасни: „PCNA е како центар на главниот аеродромски терминал кој содржи повеќе излези за авиони. Податоците сугерираат дека PCNA во клетките на ракот е единствена, што ни овозможи да развиеме лек кој конкретно ја напаѓа PCNA во клетките на ракот.

Иако првичните резултати се ветувачки, претходните истражувања заклучија дека AOH1996 може да го потисне растот на туморот кај клеточните и животинските модели, но во моментов е во тек првата фаза на човечки клинички испитувања.