Температурата низ европските земји неделава ќе достигне рекордни вредности, а експертите објавувија на неколку здравствени предупредувања.
Светската метеоролошка организација (СМО) предупреди на зголемен ризик од смрт поради екстремните временски услови.
Неверојатно е дека на медитеранските острови, Сардинија и Сицилија, температурата може да се искачи до 48 Целзиусови степени. Од друга страна, Рим и Мадрид би можеле да достигнат температури до 40 степени.
Синоптичарите на СМО открија и дека топлотниот бран нема да не напушти во следните две недели.
Зголемените температури предизвикаа пожари во Шпанија, Грција, Италија, Швајцарија и Турција, додека Франција, Германија и Полска исто така се подготвуваат за можни пожари.
Колку е опасно ова време покажува и фактот дека еден човек колабирал и починал поради сонцето. Имено, 44-годишен маж колабирал додека сликал пешачки премин во Милано на 40 степени.
Италијанскиот министер за здравство Орацио Скилачи ги повика луѓето да обрнат внимание на туристичките жаришта за своја безбедност, бидејќи смртоносните горештини продолжуваат.
Топлотните бранови стануваат се почести во сите делови на светот, а екстремните температури доведоа до 61.000 смртни случаи.
Температурите во Северна Америка, Азија и низ Северна Африка и Медитеранот ќе бидат над 40 Целзиусови денови оваа недела, бидејќи топлотниот бран се засилува, соопшти СМО.
Минималните температури се очекува да достигнат нови максимуми во текот на ноќта, што ќе создаде ризик од зголемени случаи на срцеви удари и смртни случаи.
„Иако најголем дел од вниманието е насочено кон максималните дневни температури, ноќните температури претставуваат најголеми здравствени ризици, особено за ранливите популации“, се вели во соопштението.
Научниците долго време предупредуваат дека климатските промени, предизвикани од емисиите на стакленички гасови, главно од согорувањето на фосилните горива, ќе ги направат топлотните бранови почести, посериозни и посмртоносни.
Метеоролошките експерти ја прогласија 2023 година за година на Ел Нињо – природен феномен кој се јавува циклично и предизвикува флуктуации на глобалната клима.
Зошто толку топлото време влијае?
Вашето тело ја одржува својата основна температура помеѓу 36,1C и 37,2C.
Според Британската фондација за срце, кога времето е топло, вашето тело мора да работи понапорно за да одржува стабилна температура во средината. Ова дополнително го оптоварува срцето, белите дробови и бубрезите, а срцето е особено изложено на оптоварување доколку има некоја болест.
