Администрацијата на американскиот претседател Бајден се уште собира релевантни факти за случајот со американскиот војник кој беше приведен од севернокорејските власти.
Тој е приведен поради неовластено преминување на границата и влегување на територијата на Северна Кореја, изјави денеска портпаролката на Белата куќа Карин Жан-Пјер.
Пентагон соопшти дека севернокорејските власти го уапсиле војникот Тревис Т. Кинг, кој им се приклучил на американските сили во 2021 година и оттогаш се соочува со дисциплински мерки.
Во соопштението на американската војска се вели дека се верува дека Кинг е во притвор во Северна Кореја.
Би-Би-Си објави дека се верува дека Кинг е првиот американски војник кој преминал во Северна Кореја од 1982 година.
