Која температура е превисока за луѓето? Тоа прашање го доби својот одговор во неодамнешниот извештај на професорот Луис Халси и неговиот тим од Универзитетот во Рохамптон во Велика Британија. Преку нивното истражување, тимот достигна критична горна граница, пренесува IFL Science.
Точката каде што работите стануваат опасни кога станува збор за толеранцијата на топлина кај луѓето е помеѓу 40 и 50 степени Целзиусови. Главната причина за таа граница е стапката на метаболизам во мирување, за која Халси и неговите колеги откриле дека може да биде поголема кога луѓето се изложени на многу топли услови.
„Веќе е направено многу работа на температурите на кои живеат различни животински видови кога станува збор за минималната стапка на метаболизам во мирување, а со тоа и малата потрошувачка на енергија. Интересно е што има многу помалку информации за луѓето на оваа тема“, откри Халси во изјавата.
Разбирањето на температурите кои се премногу жешки за луѓето е клучно за обезбедување безбедни работни услови, а тоа најверојатно ќе стане потешко во иднина, бидејќи оваа недела беше објавено дека Земјата штотуку ги достигнала највисоките просечни глобални температури досега. Тој рекорд беше соборен двапати за три дена.
Глобалната температура достигна просек од 17,18 Целзиусови, што не звучи премногу лошо, но претходниот рекорд беше 17,01 Целзиусови степени, а тоа е тренд кој никој не сака да го види, a зад оваа статистика стои следново: температурите значително се зголемија во регионите на југот на САД и во Кина. На северот на Африка достигнаа 50 Целзиусови степени и токму тоа е поентата, велат Халси и неговите колеги, каде што се јавуваат проблеми.
Можно е ситуацијата да се влоши
„Веројатно е дека јули ќе биде најтоплиот во историјата, односно од пред околу 120.000 години“, вели д-р Карстен Хаустејн, истражувач на атмосферското зрачење на Универзитетот во Лајпциг.
Во тек е дополнително истражување за подобро да се разбере зошто повисоките температури може да предизвикаат зголемување на потрошувачката на метаболичка енергија, но Халси и неговиот тим исто така ќе истражат како условите над горната критична граница можат да влијаат на здравјето на срцето во различни возрасни групи и според физичката кондиција.
„Откривме значителни промени во реакцијата на срцевата функција на топлина кај различни категории луѓе, а последна во низата е разликата меѓу половите. Во просек, мажите и жените покажуваат разлики во одговорот на кардиоваскуларниот систем на топлина. Ова истражување ни дава клучни знаења за тоа како реагираме на средина која не е оптимална и колку концептот „оптимално“ се разликува кај луѓето со различни карактеристики“, додава тој.
