Оваа болест убива повеќе од милион луѓе годишно.
Иако летото е сезона која сите едвај ја чекаме, сепак треба да внимаваме на одредени симптоми кои сметаме дека се нормални.
Екстремната жед е знак кој секогаш треба дополнително да се истражува!
– Доколку станете многу пожедни од она што е за вас нормално, тоа може да биде знак за топлотен удар и/или дехидрација, но и дијабетес – истакна фармацевтот Џорџи Санду.
Симптоми на дијабетес:
- замор
- прекумерна потреба за мокрење
- ненадејно и необјаснето губење на тежината
- заматен вид
- чести инфекции
- бавно зараснување на раните.
Многу случаи на дијабетес тип 2 може да се избегнат со здрав начин на живот, за разлика од дијабетес тип 1. Слабеењето и редовната физичка активност навистина можат да ги намалат шансите за развој на состојбата – објасни фармацевтот.
Што предизвикува дијабетес?
Кога јадеме, нашето тело ги разложува јаглехидратите во шеќери (гликоза).
Хормонот инсулин, кој се создава во панкреасот, потоа им наложува на нашите клетки во телото да ги апсорбираат овие шеќери за да ги претворат во енергија.
Дијабетесот се јавува кога инсулинот не се произведува или не работи правилно, предизвикувајќи шеќерот да се акумулира во нашата крв.
