Американскиот претседател Џо Бајден и првата дама Џил Бајден „го сакаат својот син и го поддржуваат додека се обидува да го обнови својот живот“, се вели во соопштението на Белата куќа во врска со обвинувањата против Хантер Бајден.
Хантер Бајден, во спогодбата за признавање вина, се изјасни за виновен за затајување данок на доход и нелегално поседување оружје, откако го прекршил законот во 2018 година кога купил пиштол додека бил на дрога, рече обвинителот задолжен за случајот.
Договорот стави крај на петгодишната истрага на Министерството за правда против синот на претседателот Џо Бајден, кој призна дека имал проблеми со зависноста од дрога по смртта на неговиот брат Бо во 2015 година.
Ова го спречува судењето кое би генерирало денови или недели на медиумско внимание во време кога Белата куќа се обидува да остане што подалеку од Министерството за правда.
