Не секогаш се работи за воспаление на мочниот меур, за да знаете што би можело да биде причината доколку понекогаш забележите дека вашата урина „мириса“ малку посилно од вообичаено.
- Ако сте дехидрирани
Многу едноставно – ако пиете доволно вода, урината е бледо жолта по боја и мириса нормално, а кога ви недостига вода, урината е темна и „смрдлива“ – поради превисоката концентрација на уреа, бидејќи не е разредена со вода.
- Ако сте јаделе нешто од ова
Дали некогаш сте забележале дека вашата урина е особено смрдлива откако ќе јадете аспарагус? Или сега ви е јасно зошто. Имено – аспарагус. лук, диета богата со протеини и кари – по овие намирници очекувајте поинаков мирис на урината.
- Ако сте испиле премногу кафе
Кафето содржи специјална компонента добиена од печење зрна, која останува во нашиот организам во мала количина, но доколку сте испиле премногу кафе и премалку вода, тоа ќе остане во дигестивниот тракт во многу поголема концентрација. И затоа урината ќе ви „мириса“.
- Ако имате воспаление
Слаткиот мирис на амонијак пропратен со честа потреба за празнење со потемна урина е јасен знак дека треба да посетите лекар бидејќи имате инфекција на уринарниот тракт.
- Ако сте почнале да земате лекови
Антибиотиците кои ја зголемуваат концентрацијата на габите во телото може да доведат до непријатен мирис на урината. Но, обично исчезнува откако ќе го земете лекот, додека кај жените може да предизвика и габични инфекции во вагиналната област.
Посебен мирис имаат и мултивитамините, а доколку се полни со витамини од групата Б, тогаш веројатно бојата на урината ќе ви биде малку поинтензивна – неонска.
