Се чини дека „Toyota“ доцни на забавата кога се во прашање електричните автомобили. Многу големи производители веќе длабоко имаат загризено, а „Toyota“ има само два сериски модели, вклучувајќи го и „Lexus“.
Но, нема да застане тука. Јапонскиот производител, кој се истакна во 21-виот век благодарение на хибридите, сега објави амбициозни цели за своите електрични возила кога станува збор за автономијата на возење.
До 2026-та година, подобрените батерии од „Toyota“ треба да обезбедат опсег до 1.000 километри. Но, ни тоа не е крајот на приказната: не долго потоа, електричен досег до 1.500 километри би требало да биде возможен во возилата на „Toyota“ благодарение на батериите во цврста состојба, т.е. батериите со цврсти електролити.
Од 2026-та година „Toyota“ сака да претстави нова серија модели во кои ќе се вградува нова генерација на литиум-јонски батерии.
За нивниот развој, Јапонците во мај оваа година основаа филијала наречена „BEV Factory“.
