„Volkswagen“ објави нов план за зголемување на профитабилноста, при што главна улога во тоа имаат преструктуирањето на гамата на модели и намалувањето на различните верзии. Првата „жртва“ е веќе позната, а тоа е „Arteon“, чие производство ќе биде стопирано.
„Моделите со ниска продукција, како што е „VW Arteon“, нема да добијат наследници“, се вели во официјалното соопштение за печатот, без да се наведат никакви детали, особено кога ќе се прекине производството на моделот што моментално се продава во Германија, само како „Shooting Brake“.
Очигледно, „Volkswagen“ е на мислење дека новиот „Passat“, кој ќе биде достапен само како караван, е доволен за потрошувачите во Европа. Тоа е заеднички развој со „Skoda“, и ќе биде верзија на „Superb“, но ќе се нуди и како седан.
Сè уште не е јасно кои други модели на „Volkswagen“ ќе се откажат од гамата. Компанијата сака да се концентрира на автомобили со „пристоен“ обем на производство, открива нејзиниот шеф – Томас Шефер, додавајќи дека за да се постигне поголем профит, ќе биде неопходно да се намали бројот на понудени конфигурации на поединечни модели.
Пример се посочува „VW ID.7“, кој има 99% помалку комбинации на опрема од „VW Golf VII“. Намалувањето на опциите за опрема ќе ја оптимизира и работата на фабриките, кои ќе можат подобро да одговорат на промените во побарувачката.
Во „Volkswagen“, тие сакаат прилично брзо да ја имплементираат својата нова профитна програма и ќе создадат нова канцеларија за управување со проекти за да ја постигнат. Во овој случај, тајмингот е од суштинско значење бидејќи компанијата цели 6,5% поврат на продажбата, што според „VW“ е неопходно за да се обезбедат идни инвестиции. Се очекува новата стратегија да ги подобри приходите за приближно 10 милијарди евра.
Сепак, колку долго „Arteon“ ќе биде во продажба? Се очекува моделот да исчезне од гамата на крајот на годината и најверојатно ќе биде заменет со електрично возило. Наесен, „Volkswagen“ ќе го лансира електричниот седан „ID.7“, кој ќе го преземе „Arteon“, но за развој на верзијата „Shooting Brake“ ќе биде потребно време.
