Американскиот производител на софтвер „Oracle“ ги надмина проценките за приходите за својот фискален четврти квартал и предвиде оптимален прв квартал благодарение на зголемената побарувачка за „Cloud“ услуги од компании кои користат вештачка интелигенција. Веста ги испрати акциите во пораст за речиси 4%.
Влезот на „Oracle“ на пазарот на „Cloud“ за компјутери почна да се исплати, потпомогнат од купувањето на компанијата за електронска медицинска евиденција „Cerner“ во минатата година, што му помогна подобро да се натпреварува со индустриските гиганти како „Microsoft“ и „Amazon.com“, пренесува „Reuters“.
Компанијата за облак услуги и софтвер, исто така, ги зголеми своите понуди за клауд „AI“, вклучително и преку партнерството со „Nvidia“ за да ги направи софтверот и чиповите за вештачка интелигенција на компанијата за чипови достапни за клиентите на „Oracle“ преку своите „Cloud“ услуги.
Приходите на „Oracle“ во четвртиот квартал се зголемија за околу 17% на годишно ниво на 13,84 милијарди долари, надминувајќи ги прогнозите за 13,74 милијарди долари од аналитичарите анкетирани од „Refinitiv“.
Приходите од „Cloud“ услуги се зголемија за 54% до 4,4 милијарди долари.
Аналитичарите веруваат дека имајќи го предвид партнерството на компанијата со „Nvidia“, „Oracle Cloud Infrastructure“ (OCI) е добро позиционирана да стане главна платформа за развој на системи за вештачка интелигенција и машинско учење (AI/ML), што би можело да биде повеќе фаза на растечки развој.
Компаниите „LLM“ (голем јазичен модел) како што се „Mosaic ML“, „Adept AI“, „Cohere“ плус 30 други компании за развој на вештачка интелигенција неодамна потпишаа договори за купување капацитет на „Gen2 Cloud“ на „Oracle“ за повеќе од 2 милијарди долари, се вели во соопштението.
Компанијата прогнозира дека нејзиниот вкупен приход ќе порасне меѓу 8% и 10% во првиот квартал. Аналитичарите просечно очекуваа раст од околу 8%.
„Oracle“ очекува приходите од „Cloud“ услугите, со исклучок на „Cerner“, да растат барем со слична стапка во фискалната 2024-та година како и во 2023-та година, рече главниот извршен директор Сафра Кац на конференциска врска со аналитичарите.
Акциите на компанијата, кои се затворија на рекордно високо ниво од 116,43 долари во понеделникот, пораснаа на 120,53 долари во тргувањето после работното време.
