Кинескиот премиер Ли Кекианг изјави дека забрзувањето на економскиот раст е главен приоритет за неговата влада, тој ја истакна потребата за зајакнување на напорите за воведување на реформи во фискалниот, банкарскиот и финасискиот сектор, пренесува агенцијата Франс прес.
„Развојот е нашиот главен приоритет“, изјави Ли пред повеќе од 2.000 домашни и странски гости, меѓу кои беше и кинескиот претседател Кси Џинпинг, на прославата за Националниот ден на Кина.
„Ние ќе го забрзаме растот, ќе го интензивираме економското реструктуирање и ќе превземеме силни напори за зајакнување на домашната побарувачка“, изјави Ли.
Кинеската економија, втора по големина во светот, минатата година растеше за 7,7 проценти, што досега е најлош резултат во последните 13 години. Во вториот квартал од оваа година, кинеската економија забави на 7,5 проценти од 7,7 проценти кои беа забележани три месеци претходно.
