„Триглав“ за превземање на „Кроација осигурување“ подготвен е да плати околу 120 милиони евра, пренесуваат хрватските медиуми. Еден дел од капиталот кој му е потребен ќе го собере од сопствени извори, а останатиот дел од финансиските фондови, како што се ИФЦ и ЕБРД.
Крајниот рок за поднесување на понудите е продолжен од хрватската влада до крајот на оваа недела. Од претходно се шпекулира дека меѓу кандидатите освен „Триглав“, се и „ПЗУ“, „Адрис групација“, „ВИГ“, „Ерго“ и „АИГ“.
Се шпекулира дека и „Триглав“ и „Кроација осигурување“, во иднина би можеле да станат плен на некој посилен играч, кој со превземањето на овие две осигурителни компании ќе доминира на регионалниот пазар.
