Со пoјавата на „Range Rover“ и „Range Rover Sport“, „Land Rover“ почна да работи со полна пареа. Висококвалитетните машини се направени така што ќе ги задоволат и најпребирливите клиенти. Ова дефинитивно е факт, откако договорите за овие автомобили се зголемиле за 40 проценти повеќе, отколку предвидувањето на компанијата.
Купувачите и потенцијалните клиенти ќе мораат да почекаат околу 6 месеци за да го купат „Range Rover“ и 9 месеци за да ја добијат спортската верзија. Главните купувачи на овие возила се од Кина и се подготвени да платат 80.000 долари за да се искачат повисоко во редот за чекање. Цената на новиот модел во Кина може да ја надмине сумата од 458.000 долари.
Истите возила во САД се продаваат по цена од 64.495 долари и 83.545 долари за спортската верзија. Добрите вести се во корист на „Land Rover“ кои немаат ништо против да ги задоволат желбите на Кинезите.
