Годишната инфлација во септември, во Германија, забави на 1,4 проценти, од 1,5 проценти кои беа забележани во август, покажуваат податоците на германскиот Завод за статистика.
Како што пренесува Ројтерс, аналитичарите за овој месец очекувале непроменета стапка од 1,5 проценти.
Забавувањето на растот на цените, Заводот за статистика, го објасни со умереното зголемување на цените на нафтените производи.
Во согласност со европските стандарди, годишната инфлација во споменатиот период во Германија изнесуваше 1,6 проценти.