Корејскиот производител „Genesis“, кој е дел од групацијата „Hyundai-Kia“, веќе има голем луксузен теренец во својата гама, а сега му се придружува и купе верзија. Сè уште е само концептен модел, но ќе стане сериски модел, чија цел е да се натпреварува со реперот во овој сегмент – „BMW X6“.
Производителот најави дека со овој автомобил има за цел да создаде „поемотивни и ориентирани кон перформанси модели“, покажувајќи како тие ќе изгледаат. „GV80 Coupe Concept“ има 4 места во кабината наместо 5, нудејќи луксуз и удобност од највисоката класа.
Сите седишта се изработени од карбонски влакна, обложени со напа и велур кожа. Наслоните на седиштата се обоени во иста портокалова боја (официјално наречена Магма) како и надворешноста, а зад оние од вториот ред ќе најдете фиксна држач за решетка.
Некои нијанси во дизајнот потсетуваат на концептот „Genesis X Speedium“ претставен минатата година. Тука спаѓаат тркалата на „GV80“, светлосните елементи и профилот на задната врата. Напред, големата решетка со гребен е завршена во црна боја, со отвори за ладење додадени на дното.
Браниците се малку пошироки, а покривот на преградата не е црн поради трикот на дизајнерот, туку затоа што е направен од карбонски влакна. Има и два суптилни спојлери – еден на покривот и еден одзади во форма на патка, кои се и естетски и функционални елементи.
Очигледно, „Genesis“ смета дека „GV80 Coupe Concept“ е повеќе од само „SUV“ со наведнат покрив. Во моментов, сепак, техничките карактеристики на идниот сериски модел не се наведени. Крос-купето е изградено на платформата со погон на задните тркала на „GV80“, така што најверојатно ќе ги добие истите единици. Врвната верзија на „SUV“ моделот се потпира на 3,5-литарски твин-турбо V6 со 375 ks.
„На самиот почеток, брендот „Genesis“ започна да создава луксузни седани кои еволуираа во моделите „G70“, „G80“ и „G90“. Во текот на изминатите седум години, во нашето портфолио додадовме повеќе модели ориентирани кон животниот стил, како што се теренците „GV80“ и „GV70“. Сега ги поместуваме границите со поемотивни автомобили кои ги подигнуваат перформансите и динамичните карактеристики на „Genesis““, коментира Лук Донкерволке, главен креативен директор на групацијата „Hyundai“.
