6 април, 2025
ПочетнаАВТОБИЗ„Kia“ го претстави првиот електричен „SUV“ (ФОТО/ВИДЕО)

„Kia“ го претстави првиот електричен „SUV“ (ФОТО/ВИДЕО)

Со автономија од 541 km според „WLTP“, „Kia“ се приближи до моделот „X“ на „Tesla“. Сепак, ова важи само за верзијата која комбинира погон на задните тркала и поголема батерија, односно моделот „RWD“ со долг дострел. Доколку ја сакате стандардната варијанта, добивате помала батерија од 76,1 kWh.

Но, тоа е во ред, бидејќи системот од 800 волти овозможува голема моќ на полнење, така што 15 минути на полначот се доволни за околу 240 километри досег.

Ако имате вишок енергија, „EV9“ ќе напојува и полни се што ви треба, од лаптопи и фрижидери до опрема за кампување и други автомобили, со моќност до 3,68 kW.

„EV9“ стартува со 204 ks и 350 Nm во споменатата верзија „LR“, која достигнува 100 km/h за 9,4 секунди. Стандардниот модел има 10 kW повеќе, а до 100 km/h забрзува за 8,2 секунди.

Конечно, има верзија со два мотори и „AWD“ погон, каде што се добиваат 383 ks и 600 Nm. Во овој случај, „EV9“ станува многу брз, достигнувајќи 100 km/h за само шест секунди.

Но, опциите не завршуваат тука, бидејќи „Kia“ планира да ја понуди таканаречената „boost“ функција, со отклучување што го зголемува максималниот вртежен момент на предниот мотор за 100 Nm.

Сосема доволно до пристигнувањето на моќната „GT“ верзија, која веќе е потврдена.

Можеби најголемата иновација е воведувањето на „Highway Driving Pilot“ (HDP), систем кој овозможува автономно возење на ниво 3 со помош на 15 сензори со два лидари. Ќе се нуди на ниво на опрема „GT-Line“.

За потсетување, големината на „EV9“ е на исто ниво со „Telluride“, што значи дека има нешто повеќе од пет метри (5010 mm) во должина и речиси два метри (1980 mm) во ширина.

„EV9“ е поставен на „Electric Global Modular Platform“ (E-GMP), а растојанието помеѓу оските е дури 3100 mm.

„Kia“ ќе го понуди „EV9“ како глобален модел. Продажбата во Кореја ќе започне во вториот квартал, а остатокот од планетата ќе мора да почека до втората половина на годината.

https://www.youtube.com/watch?v=6tRTctRhe5c

НАЈНОВИ ВЕСТИ

ХОРОСКОП