Најпопуларниот интернет пребарувач, „Google“ го слави 15-тиот роденден.
Интернет компанијата е основана во 1998-та од Сергеј Брин и Лари Пејџ. Уште во 1996-та година како постдипломски на Универзитетот Стенфорд тие почнуваат со работа на сопствен пребарувач. Првично тој е користен само на сајтот на Стенфорд.
За 15 години работа „Google“ стана светски лидер меѓу пребарувачите, а нејзиниот прелистувач „Google Chrome“ е далеку пред своите конкуренти во глобални рамки. „Google“ стана најпосетената интернет страна во светот, а нејзините творци веќе се мултимилијардери.
Вистинскиот датум на раѓање на пребарувачот одамна е тема на дебата, а голем број аналитичари велат дека датумот на кој „Google“ официјално го „отвора“ е 7-ми септември. На 15-ти септември, пак, е регистриран домен „Google.com“.
