24 мај, 2024
ПочетнаСВЕТПокренато обвинение против Доналд Трамп

Покренато обвинение против Доналд Трамп

Големата порота на Менхетен покрена обвинение против Доналд Трамп по истрагата за тајна исплата на порно ѕвездата Сторми Даниелс, што го прави првиот поранешен претседател на САД кој се соочил со кривична пријава и покрај уште една кандидатура за Белата куќа, изјави судски извор.

Обвиненијата, кои произлегуваат од истрагата предводена од Демократскиот окружен обвинител на Менхетен, Алвин Брег, би можеле да ја преобличат претседателската трка во 2024 година. Трамп претходно изјави дека ќе продолжи да води кампања за номинација на Републиканската партија доколку биде обвинет за кривично дело.

Конкретните обвиненија се уште не се познати, а обвинението најверојатно ќе биде објавено во наредните денови, пишува Њујорк Тајмс. Во тој момент, Трамп ќе мора да отпатува во Менхетен за земање отпечатоци и друга обработка.

Канцеларијата на Брег и адвокатот што го застапува Трамп сè уште не ги коментирале наводите.

Трамп (76) се обиде да биде реизбран во 2020 година, но беше поразен од демократот Џо Бајден.

Трамп лажно тврдеше дека изгубил од Бајден поради изборна измама и ја нарече истрагата што доведе до неговото обвинение „политички лов на вештерки“.

Трамп: Ова е политички прогон

Трамп даде изјава веднаш по гласањето на обвинението против него.

„Ова е политички прогон и мешање во избори што досега не се случило. Од моментот кога се симнав од ескалаторот кај Трамп Тауер, па дури и пред да положам заклетва како ваш претседател, радикалните левичарски демократи – непријатели на вредните мажи и жени од оваа земја – започнаа лов на вештерки за да го уништат “Make America Great Again“, напиша Трамп.

НАЈНОВИ ВЕСТИ

ХОРОСКОП