Друштвото за медицинско снабдување увоз-извоз РЕПЛЕК АД Скопје закажа Годишно собрание кое ќе се одржи на ден 26.04.2023 година (среда) со почеток во 10:00 часот во деловните простории на Друштвото.
Според предлог-одлуката, добивката по оданочување за 2022 година во износ од 59.666.184,00 денари ќе ја распредели:
-исплата на дивиденда во нето износ од 1.800 денари по акција, односно бруто износ од
2.000 денари по акција или вкупен бруто износ од 49.418.000 денари
-во акумулирана добивка 10.248.184 денари
Дивидендата ќе биде исплатена во готово на трансакциските сметки на акционерите.
Последен датум за тргување со право на дивиденда за 2022 година е 05.05.2023 година.
Прв датум за тргување без право на дивиденда за 2022 година е 08.05.2023 година.
Датум на стекнување на право на дивиденда за 2022 година е 09.05.2023 година.
Исплата на дивидендата за 2022 година ќе започне од 15.06.2023 година.
Одлуката влегува во сила со денот на донесувањето.