Американската министерка за финансии Џенет Јелен изјави дека пропаст на мали банки може да предизвика неуспех на други помали банки, пренесува Анадолија.
„Неуспехот на мали банки може да започне трка со други банки, а неуспехот на тие банки потоа може да доведе до системски неуспех“, рече Јелен пред Поткомитетот за финансиски услуги на американскиот Сенат.
Нејзините коментари уследија по ненадејниот колапс на Silvergate Bank, Silicon Valley Bank (SVB), Signature Bank и First Republic Bank,, кои пропаднаа за само неколку недели.
Заштита на здравјето на американската економија
„SVB претрпе катастрофален удар, толку огромен што ја преплави ликвидноста на оваа банка и предизвика потенцијал за страв во многу други банки“, рече Јелен и порача:
„Наш врвен приоритет е заштита на здравјето на американската економија“, додаде Јелен.
Министерството за финансии, Федералните резерви и Федералната корпорација за осигурување на депозити (FDIC) објавија серија вонредни мерки во неделата, откако пропаднатите банки на САД се заканија со поширока финансиска криза.
