19 април, 2024
ПочетнаАВТОБИЗЏенерал Моторс работи на интегрирање на вештачка интелигенција во автомобилите

Џенерал Моторс работи на интегрирање на вештачка интелигенција во автомобилите

Ќе помине извесно време пред автономните автомобили сами да не возат до работа, но се чини дека наскоро ќе можеме да разговараме со нив додека возиме.

General Motors (GM) потврди дека работи на дигитален асистент за автомобили што ќе работи на модели за машинско учење слични на ChatGPT, пишува SEEbiz, повикувајќи се на Reuters.

GM планира да инсталира дигитален асистент во автомобилите кој ќе им помага на возачите во ситуации кога можеби претходно морале да користат прирачник. На пример, помошник за вештачка интелигенција може да ви покаже како да менувате гума на автомобил со прикажување видео или давање инструкции преку AR (Augmented Reality), при што ќе ве гледа како го правите тоа. Исто така, асистентот ќе може да се интегрира со други уреди, вклучувајќи и далечински за отворање на вратата од гаражата.

„Оваа промена не се однесува само на една способност како еволуцијата на гласовните команди, туку значи дека клиентите можат да очекуваат нивните идни возила да имаат значително поголеми способности во целина кога станува збор за новите технологии“, изјави портпаролот на GM за Ројтерс.

Дигиталниот асистент во автомобилот ќе работи малку поинаку од другите чет-ботови бидејќи GM работи на додавање специјален „автомобилски слој“ покрај големите јазични модели што го напојуваат Chat GPT, што ќе биде дел од пошироката соработка помеѓу производителот на автомобили и Microsoft, кои беа најавени уште во 2019 година.

Имајќи предвид дека Microsoft е единствениот облак провајдер за OpenAI, сигурно е дека асистентот на GM во автомобилот речиси сигурно ќе работи со Azure и јасно е дека ќе користи моделите за машинско учење на OpenAI и Microsoft како GPT-3.

Производителот на автомобили се уште не објави како ќе се вика неговиот асистент со вештачка интелигенција, ниту пак е прецизирано кога би можеле да разговараме со него во автомобил.

НАЈНОВИ ВЕСТИ

ХОРОСКОП