Нокиа подготвува поголем настан на кој се очекува да претстави шест нови уреди. Ова ќе се случи на 22-ри октомври во Абу Даби, соопштува електронското издание на „The Verge“.
Извори од компанијата го потврдуваат тоа и дека тогаш ќе покажат најмалку два нови паметни телефони. Се очекува еден од нив да биде 6-инчниот „Lumia 1520“ со кодното име „Bandit“.
Не се исклучува и можноста Нокиа да влезе и во сегментот на таблетите. Веќе некое време се појавуваат информации дека скоро е готов сличен уред кој ќе се нарекува „Lumia 2520“ кој ќе работи на „Windows RT“. Така, Нокиа практично ќе биде единствената компанија од Мајкрософт која нуди „Windows RT“ уред, и по најавите дека „Dell“ ќе започне со производство на својот таблет со овој оперативен систем.
Нокиа ќе ја прошири и гамата на додатоци за мобилните уреди. Во моментов не постојат особено многу информации во врска со тоа што ќе е тоа, но според зборовите на анонимните извори барем еден од нив ќе биде „многу посебен“.Компанијата обрнува големо внимание на доковите, звучници и додатоци за безжично полнење на мобилните уреди.