14 јули, 2024
ПочетнаАВТОБИЗ„Hyundai“ ја откри и новата електрична „Kona“ (ФОТО/ВИДЕО)

„Hyundai“ ја откри и новата електрична „Kona“ (ФОТО/ВИДЕО)

Корејската компанија „Hyundai“ ја откри втората генерација на електричниот кросовер „Kona“. Автомобилот беше прикажан во декември минатата година, но досега постоеше само во бензински и хибридни верзии.

Новата „Hyundai Kona Electric“ ќе биде достапна во Јужна Кореја, Европската Унија и Северна Америка, а почетокот на продажбата е закажан за крајот на летото. Цените не се објавени, но на пример во Германија првата генерација чини од 36.400 евра, а веројатно за новиот модел цените ќе стартуваат од најмалку 40.000 евра.

Моделот „Kona Electric“ е опремен со електричен мотор од 114,6 kW (156 ks) или 160 kW (214 ks) поставен напред. Вртежниот момент во двата случаи е 255 Nm. Достапни се две верзии на влечни батерии – со капацитет од 48,4 kWh или 65,4 48,4 kWh, а километражата со едно целосно полнење варира од 342 до 490 km. Потребни се само 41 минута за полнење на енергетската резерва од 10% до 80% доколку користите брза станица, информираат од компанијата.

„Kona Electric“ има функција за предзагревање, така што снабдувањето со енергија не се намалува нагло за време на зимската работа. Кросоверот има и загреан отвор за конекторот за полнење, кој работи на температури до минус 30 степени.

Електричната „Kona“ е опремена и со системот „i-Pedal“ за возење со една педала. Кога ќе се притисне, автомобилот тргнува, кога ќе се ослободи, сопирачките се активираат автоматски. Оваа функција е копирана од „e-Pedal“ на „Nissan“.

Според компанијата, сопствениците на претходната генерација на „Hyundai Kona“ имале само две значајни поплаки – недостатокот на простор на задните седишта на субкомпактниот теренец, како и ограничениот обем на товар. Двете области се изменети во новата верзија, за која компанијата верува дека е нежна еволуција на успешна формула наместо радикална трансформација. Димензиите се должина од 4355 mm, ширина од 1825 mm, висина од 1575 mm, а меѓуоскиното растојание е 2660 mm.

Најочигледната разлика во дизајнот на новата генерација е појавата на една светлосна лента напред, давајќи ѝ футуристички изглед. „Hyundai“ ова го нарекува „беспрекорен хоризонт“ и е слично на црвената графика на задните светла.

Внатрешниот дизајн исто така е значително подобрен. „Kona Electric“ добива два дисплеја од 12,3 инчи, еден пред возачот кој ги прикажува инструментите и централниот екран на допир кој ги контролира функциите за инфозабава. „Hyundai“ не го следеше стадото само во дигитална архитектура, а „Kona“ одржува и голем број функционални копчиња за брз пристап и физичка контрола на климата под нив. Компанијата не планира да ги замени конвенционалните копчиња во ниту еден од нејзините претстојни модели.

Автомобилите со европски спецификации имаат електрични предни седишта со греење и вентилација, плус систем за камера од 360 степени. Сите верзии ќе поддржуваат надградби на софтвер преку воздух, а „Hyundai“ планира да дозволи заклучување и отклучување преку функцијата „NFC“ – „Near Field Communication“ на паметните телефони и паметните часовници. Сите верзии имаат менувач на брзините на страната на управувачкиот столб под десната рачка.

Инаку, палетата на „Kona“ од втората генерација вклучува и две бензински верзии со мотори од 1,6 и 2,0 литри. Првата е турбополнач со 195 ks, втората е атмосферска со 147 ks.

Хибридната верзија има 1,6-литарски атмосферски плус електричен мотор, со вкупна моќност од 141 ks. Погонот на сите тркала е достапен само кај турбо верзијата, сите други верзии се со погон на предните тркала.

НАЈНОВИ ВЕСТИ

ХОРОСКОП