Дали вашите стапала често се ладни? Оваа состојба може да биде последица на ниските зимски температури, но и знак дека имате некои здравствени проблеми.
Додека за некои тоа може да биде нормална реакција на телото, според некои експерти студените стапала може да имаат и наследен фактор, односно може да биде наследна карактеристика. Сепак, студените стапала често се симптом на некои болести и здравствени проблеми, а меѓу најчестите се слабата циркулација во екстремитетите или слабата сензација во нервите.
Д-р Дина Гохил вели дека студените стапала понекогаш се симптоми на слаба циркулација, анемија, дијабетес, хипотироидизам и други помалку опасни состојби.
„Кога велиме дека студените стапала се резултат на лошата циркулација, тоа значи дека топлата крв не тече до стапалата и тие се неизбежно постудени од остатокот од телото“, објаснува д-р Гохил.
Таа додава дека доколку тоа ни се случува често, треба да побараме и совет од лекар.
За да ги загреете стапалата и да ја ослободите оваа состојба, таа ги препорачува следниве методи:
- масажа на стапалата за стимулирање на циркулацијата
- носење топли чорапи
- носење обувки кои ја задржуваат топлината
- користење шишиња со топла вода за стапалата
- користење на грејачи за прсти
- намален внес на кофеин