Производните цени во Кина паднаа во јануари за повеќе отколку што очекуваа економистите, што сугерира дека брановите на домашната побарувачка што ги поддржаа потрошувачките цени по завршувањето на политиката за нулта-Ковид не беа доволно силни за да ги оживеат горните сектори, објави „Reuters“.
Индексот на цените на производителите (PPI) падна за 0,8% на годишно ниво во јануари, продолжувајќи го падот од 0,7% во претходниот месец. Падот беше исто така поголем од -0,5% што се очекуваше во анкетата на „Reuters“, иако производната активност се врати на раст во јануари.
Индексот на потрошувачките цени (CPI) се зголеми за 2,1 отсто на годишно ниво, по 1,8 отсто годишен раст во декември, покажаа податоците на Канцеларијата за национална статистика во петокот. Резултатот беше само помалку од зголемувањето од 2,2 отсто што го очекуваа економистите во анкетата на „Reuters“.
Потрошувачката инфлација беше поддржана од сезонскиот пораст на трошоците околу кинеската Нова година, при што цените на авионските билети, кино и патничките цени се зголемија за 20,3%, 10,7% и 9,3%, соодветно, покажа статистиката.
Економистите очекуваат трошоците за живот во Кина да се зголемат во наредните месеци откако ќе се укине политиката за нулта-Ковид. Упатените очекуваат Кина да се држи до целта за инфлација од околу 3% оваа година, слично како и минатата година.
Аналитичарите прогнозираат дека инфлацијата ќе остане далеку под високите нивоа на Западот и веруваат дека монетарното олеснување е поверојатно отколку затегнување.
„Очекуваме дополнителни намалувања на каматните стапки во блиска иднина, од кои првото би можело да се случи веќе следната среда“, рече во белешка Џулијан Еванс-Причард, висок кинески економист во „Capital Economics“.
Втората по големина економија во светот продолжува да се соочува со значителни спротивставени ветрови, вклучително и нарушениот имотен сектор, слабеењето на странската побарувачка за кинеските извозници и речиси рекордното ниво на невработеност кај младите.
„Месечниот пад на инфлацијата во преработувачката индустрија од 0,4 проценти беше изненадувачки и се чинеше дека сугерира дека производствениот сектор сè уште не е вратен со полна брзина“, рече Џоу Хао, главен економист во „Guotai Junan International“.
Падот на цените на производителите беше неочекуван бидејќи економската активност во Кина се врати на раст во јануари. Официјалниот „PMI“ индекс ја премина границата од 50 поени за прв пат од септември.
Основната потрошувачка инфлација, која ги исклучува храната и енергијата, се забрза до 1,2% минатиот месец од 0,7% во декември.
Владините претставници постојано ја сигнализираа својата намера да ја искористат потрошувачката моќ на 1,4 милијарди луѓе во земјата, откако економскиот раст во 2022-ра година падна на едно од најслабите нивоа во речиси половина век.
