Јапонската компанија „Toyota“ го претстави „Grand Highlander“ од моделската 2024-та година, со главна цел да привлече претежно семејства со луксуз, простор и моќ на американскиот пазар.
Кога класичниот „Highlander“ со неговите три реда седишта не е доволен, а „Sequoia“ е преголем, сега постои трета опција за задоволување на желбите на љубителите на „SUV“. „Toyota Grand Highlander“ од 2024-та година се рангира меѓу гореспоменатите машини, како најголемиот кросовер на марката („Sequoia“ е „SUV“ базиран на пикапот „Tundra“).
Иако „Grand Highlander“ ќе дебитира на автосаемот во Чикаго во 2023-та година, компанијата сè уште не ги открива сите детали. Моделот е дизајниран да ја надополни американската гама на компанијата и да се натпреварува со големите автомобили како што се „Chevrolet Traverse“ или „Honda Pilot“.
Познато е дека има три варијанти на мотори – 2,4-литарски 4-цилиндричен турбо полнач, вториот е 2,5-литарскиот хибриден 4-цилиндричен мотор на „Toyota“, а на врвот на пирамидата е „Hybrid Max“ со 362 ks и погон на четири тркала. „Hybrid Max“ за „Grand Highlander“ би требало да биде 2.4-литарски турбо на „Toyota“ поврзан со електрични мотори, слично на она што се нуди во „Toyota Crown“. Ова е меѓу информациите кои сѐ уште не се достапни заедно со капацитетите за останатите варијанти.
„Grand Highlander“ е базиран на платформата „TNGA-K“ на „Toyota“ и, покрај тоа што го има достапниот (и сè уште мистериозен) „Hybrid Max“, има и поинаков стил на маска. Главната поента на „Grand“ е тоа што има целосен трет ред на седишта кои можат да сместат возрасни патници, а истовремено имаат и простран багажник. Затоа „Grand Highlander“ има речиси рамен покрив, па автомобилот повеќе личи на класичен „SUV“.
Ова не е само проширена верзија на кросоверот „Highlander“, туку независен модел со оригинален дизајн развиен во калифорниското студио „Calty“. „Toyota“ сè уште ги нема објавено вкупните димензии на автомобилот, но разликата помеѓу „Highlander“ и „Grand Highlander“ може да се процени по друг параметар. Во САД, вообичаено е да се измери вкупниот волумен на внатрешноста, и ако за обичен „Highlander“ е 4.092 литри, тогаш за „Grand Highlander“ е 4.332 литри или зголемување од 6%.
Автомобилот ќе се нуди во три нивоа на опременост – основната се нарекува „XLE“, средната конфигурација е „Limited“, а врвната верзија е наречена „Platinum“. Различни тркала се достапни на сите три, почнувајќи од 18-инчи.
На таблата има стандарден инфозабавен систем со екран на допир од 12,3 инчи. Моќно загревани седишта се достапни на основното ниво на опременост „XLE“, заедно со шест USB полначи, безжичен полнач и пакетот „Toyota Safety Sense 3.0“ со системи за помош на возачот и безбедност.
Подигнувањето до „Grand Highlander Limited“ додава кожа со загреани/проветрени предни седишта и загреани седишта од вториот ред. Има и загреан волан, звучен систем JBL со 11 звучници, сензори за паркирање, електричен капак и многу повеќе.
„Grand Highlander“ е „поврзан“ SUV со можности за надградба преку воздух. Мултимедијалниот систем нуди гласовна контрола за пристап до различни системи, како и поврзани услуги како што се „Cloud Navigation“ и „Destination Assist“. Поддржана е двојна Bluetooth конекција и „Toyota“ нуди некои претплатни услуги како „Remote Connect“ за активирање на различни системи како што се фаровите, бравите на вратите или палење на моторот преку паметен телефон.
„Дефинитивно постои потреба на пазарот за „SUV“ со средна големина, кој дава приоритет на внатрешната удобност во сите три реда, а „Grand Highlander“ е најдобрата опција“, рече потпретседателката за маркетинг на „Toyota“, Лиза Матерацо. „Овој модел со три реда го носи наследството на „Highlander“ во сосема нов простор додека го одржуваме нашето ветување дека ќе испорачаме електрификација“, додаде таа.
Целосните детали за „Grand Highlander“ од 2024-та година, вклучувајќи ги цените и датумот на продажба, ќе бидат откриени во текот на летото. Возилото ќе се составува во истата фабрика на „Toyota“ во Индијана каде што се произведува обичниот „Highlander“.
