Пентагон денеска објави дека кинески балон сега е над централниот дел на САД, а Вашингтон ги отфрли тврдењата на Пекинг дека леталото не се користи за надзор.
Прес секретарот на Пентагон, бригадниот генерал Пат Рајдер одби да открие повеќе детали за точната позиција на балонот и дали САД сè уште размислуваат да го соборат. Американската војска ја отпиша таа можност поради потенцијалниот ризик за населението на теренот, изјавија официјални лица.
Според Рајдер, балонот е на надморска височина од околу 60.000 стапки (18.300 метри), маневрира и го сменил курсот и не е закана во овој момент.
Рајдер, исто така, рече дека САД го следат само тој еден балон.
Претходно беше објавено дека американскиот државен секретар Ентони Блинкен го одложил денешното планирано патување на многу важно дипломатско патување во Кина како одговор на појавата на балони над чувствителни локации во западниот дел на САД, а Вашингтон размислува за поширок одговор.
Ненадејната одлука да се откаже од патувањето дојде и покрај тврдењата на Кина дека балонот всушност бил „летало за истражување на времето“ што излетало од курсот. САД го опишаа објектот како летало за набљудување.
Ова е нов удар за веќе разнишаните односи меѓу САД и Кина, а американскиот претседател Џозеф Бајден одби да ја коментира појавата на балонот.
Двајца претенденти за републикански кандидат за претседател на САД на изборите во 2024 година, поранешниот претседател Доналд Трамп и поранешната амбасадорка на САД во Обединетите нации Ники Хејли, оценија дека Америка треба веднаш да го собори кинескиот балон.
Кога бил откриен балонот, претставници на Пентагон објавиле дека во еден момент се наоѓал над државата Монтана, каде што има поле со силос со нуклеарни проектили во воздухопловната база Малмстром.
Според војската, САД се подготвени да лансираат ескадрили борбени авиони, вклучително и F-22 Phantoms, доколку тоа им биде наредено, но Пентагон на крајот препорачал да не се допира балонот, велејќи дека ќе биде соборен над ретко населените области на Монтана со што ќе го загрози населението.
Еден воен функционер рече дека балонот се упатил кон полињата за нуклеарни силоси, но САД рекоа дека тоа има само „ограничена“ релевантност со оглед на информациите што Кина може да ги добие преку други технологии, како што се шпионските сателити.
Откритието на балонот вознемири многумина во Вашингтон и низ целата земја. САД протестираа до кинеските официјални лица, а конгресните републиканци силно ја критикуваа администрацијата на Џозеф Бајден, барајќи построг став кон Кина.
Кина, која луто ги осудува американските обиди за воздушна шпионажа над териториите што ги смета за свои, еднаш принуди американски шпионски авион да слета, а сега млако реагираше на најавите од Пентагон и излезе со релативно помирлива изјава, со израз на жалење и објаснување дека се работи за цивилни метеоролошки воздухоплови.
