Џејмс Хамблин го изненади светот кога објави дека не се туширал пет години. Докторот и предавач на Јеил за неговата книга „Clean: The New Science of Skin“ решил да спроведе експеримент врз себе.
Имено, за време на пишувањето на книгата, Хамблин решил да се фокусира на нашиот најголем орган – кожата. За време на неговите експерименти и истражувања, научил неколку важни лекции. Прво, тој вели дека опседнатоста со сапунот може да предизвика алергии.
„Цел тој пат на истражување и учење во мојата книга за микробиомот на кожата и историјата на верувањата за хигиената и чистотата навистина ме натера да ги променам моите навики“, вели тој.
Според него, микробите се присутни во околината и тоа нема да се промени ако човек се истушира. Тој смета дека микробите се неопходни за одржување на здрава рамнотежа, на пример во дигестивниот систем.
„Знаете дека обидот да се искоренат микробите во цревата не е најдоброто нешто што можете да го направите“, истакнува тој.
Иако не користи шампон или гел за туширање, Хамблин ги мие рацете со сапун. Покрај тоа, одржува одредени навики, а водата е сепак важен дел од нив.
“Понекогаш сè уште ја влажнам косата. Кремите, пилинзите и дезодорансите ги нема во мојата бања. Но, сè уште ги мијам забите. Го правам само она што сметам дека е задоволително или навистина медицински неопходно”, заклучил тој.
