Светската банка ги намали прогнозите за раст за 2023 година на ниво кое е на работ на рецесија за многу земји, наведувајќи го влијанието на засилените зголемувања на каматните стапки, продолжувањето на руската агресија против Украина и колапсот на главните мотори на глобалниот економски раст.
Во 2023 година се очекува раст на глобалниот бруто домашен производ (БДП) од 1,7 отсто, што, доколку се исклучат рецесиите од 2009 и 2020 година, е најниска стапка во последните речиси три децении, се вели во извештајот на Светската банка.
Во претходниот Извештај за глобалните економски перспективи, објавен во јуни 2022 година, банката прогнозираше глобален раст во 2023 година од 3,0 проценти.
Сепак, има големо забавување на напредните економии, вклучително и прогнозите за остри намалувања од 0,5 отсто и за САД и за еврозоната, што може да навести уште една глобална рецесија помалку од три години по последната, се вели во извештајот.
„Со оглед на чувствителните економски услови, секое дополнително негативно влијание, како што е инфлацијата повисока од очекуваната, наглото зголемување на каматните стапки за нејзино задржување, оживување на пандемијата СОВИД-19 или ескалација на геополитичките тензии – може да ја поттикне глобалната економијата во рецесија“, предупредува Светската банка.
Темната перспектива ќе биде особено тешка за пазарите и економиите во развој бидејќи тие се борат со тешките долгови, слабеењето на валутите и растот на приходите, како и забавувањето на деловните инвестиции, кои се предвидува дека ќе растат со годишна стапка од 3,5 проценти во текот на следните две години, што е за половина пониско отколку во последните две децении.
„Забавувањето на растот и деловните инвестиции ќе имаат катастрофални последици врз образованието, здравството, сиромаштијата и инфраструктурата, вклучително и зголемените барања поради климатските промени“, рече претседателот на Светска банка Дејвид Малпас во изјавата.
Светска банка побара поголема поддршка од меѓународната заедница за земјите со ниски приходи, кои се изложени на зголемен ризик од должничка криза.
