Додека западната нафта од типот “брент” е околу 78,57 долари за барел, рускиот Урал се плаќа половина поевтино.
Дали пазарот на крајот ќе биде одговорен за рушење на режимот на Путин преку драстичен пад на цената на руската нафта, а не обиди за ограничување на цената на меѓународно и индивидуално национално ниво?
Со оглед на тоа што барел нафта од „Уралска класа“ (стандардна мешавина на руска нафта) падна на само 37,80 долари вчера во извозното приморско пристаниште, Приморск, на Балтичко море. додека глобалниот нафтен репер „Брент“ остана на 78,57 долари, стана јасно дека нешто се случува што не може да се објасни со договорот на членките на Г7 да го забранат транспортот на руската нафта на меѓународно ниво доколку се купува по цена повисока од 60 долари, пишува Јутарњи лист.
Таканаречената „Уралска класа“ претставува убедливо најголем дел од рускиот извоз на нафта.
Според толкувањето на Грегори Бру од Јеил, кој ја проучува историјата на трговијата со нафта, на падот на цената на руската нафта „Урал“ убедливо најмногу влијаел падот на побарувачката во Кина. Бру толкува дека овој пад на цената на руската нафта не е големо изненадување бидејќи „…тоа ги одразува помеките услови на целиот пазар. Постои несигурност за глобалната економија и за политиката на Кина за нулта ковид“.
Експертот од Јеил забележува дека пазарот се уште има доминантно влијание врз цената на руската нафта, а сегашниот пазар се карактеризира со пад на побарувачката. Не се работи за тоа колку Русија го зголемува или намалува производството на нафта, ниту колку Западот сака да ги намали приходите од рускиот извоз, туку за односите на меѓународниот пазар на нафта. Доколку дојде до силно отворање на Кина и зголемување на побарувачката, нема сомнеж дека во тој случај цената на руската нафта повторно силно ќе порасне.
Доколку не дојде до брзо зголемување на побарувачката за руска нафта од страна на Кина и Индија, режимот на Владимир Путин ќе се соочи со драстичен пад на приходите од извозот, што ќе им го отежне финансирањето на војната во Украина и ќе предизвика низа внатрешни проблеми.
Според Блумберг, неизвесно е каква би можела да биде реакцијата на Русија доколку цената на „Урал“ остане на нивото од околу 40 долари за барел. Единствено што можат да направат е да го намалат производството за да ја зголемат цената, но прашање е дали можат значително да ги зголемат приходите на ниво што ја гарантира финансиската стабилност на Русија.
Путин и неговите соработници веројатно се згрозени од фактот што со сета меѓународна геополитичка тензија, која инаку би требало многу високо да ја катапултира цената на нафтата, одеднаш имаат проблем со – пазарот.
Иако многумина на Запад почнаа да се жалат по почетокот на конфликтот во Украина дека пазарните принципи на енергетскиот пазар се нефункционални, лесно може да се случи релативно брзо да ги заборават своите антипазарни манифести бидејќи тоа е односот на глобалната понуда и побарувачка која почнува да го регулира она што не им успеа на политичарите на маратонските состаноци за ограничување на цените.
