Сода бикарбоната се користи уште од античко време како една од најчесто користените состојки во домаќинството за широк спектар на намени – од хигиена, до помошна здравствена заштита, до дезинфекција на просторот и телото. Медицинска, прочистена сода бикарбона означена како „100 проценти натриум бикарбонат“ се препорачува за употреба за здравствени цели.
Гасење пожар
Загревањето на сода бикарбона произведува јаглерод диоксид, кој во комбинација со вода ја прави ефективна алатка не само за отстранување на маснотиите и нечистотијата во кујната, туку и за гаснење мали пожари. Јаглерод диоксидот го намалува огнот бидејќи е погуст од кислородот, а самата вода го смирува огнот. Повеќето противпожарни апарати содржат и сода бикарбона. Секако, ова може да се искористи само како прва помош, се подразбира дека треба повик до противпожарната бригада доколку пожарот се заканува, пренесува „Вијести“.
Чистење тенџериња, тави и сребрени садови
За да ги отстраните дамките од тенџерињата и тавите, потопете ги преку ноќ во раствор направен од четвртина шолја сода бикарбона и еден литар вода. Можете исто така да ги посипете садовите со сода бикарбона и да пробате да ги исчистите дамките со сунѓерче со малку млака вода. Направете паста и нанесете ги на сребрените садови што сакате да ги исчистите, исплакнете и исушете. Ќе добие висок сјај.
Неутрализатор на мириси
Сода бикарбона ефикасно помага да се ослободите од мирисите од кујнските апарати. Ставете сода бикарбона на задниот дел од замрзнувачот или фрижидерот, тоа ќе ви помогне храната да остане без мирис. Не заборавајте да го менувате садот со сода бикарбона на секои три месеци. За да ја одржувате машината за миење садови без мирис, посипете сода бикарбона на дното на машината за миење садови или на садовите.
Белење на облека
Додадете четвртина шолја сода бикарбона во редовно количество белило и вашите бели алишта ќе бидат уште посвежи и поинтензивно бели.
Чистач на подни плочки и теписи
Измешајте топла вода и половина шолја сода бикарбона и искористете ги за бришење и плакнење на подот. Ќе ги отстрани тврдокорните дамки, а со триење на плочките од бањата на подот и ѕидовите, како и мијалникот, ќе и дадете на бањата нов сјај без хемикалии. Покрај тоа, сода бикарбона ги отстранува и дамките и застарените мириси од теписите. Посипете го со сода бикарбона и почекајте најмалку 15 минути пред да исчистите со правосмукалка. Ќе мириса убаво и свежо.
