Кристијано Роналдо и саудискиот клуб Ал-Наср го потврдија новиот договор на Португалецот, кој откако не успеа да најде клуб во Европа кој ќе се согласи на неговите услови, реши да се „испроба“ во саудиската лига.
Иако првичните извештаи зборуваат за годишна плата од фантастични 75 милиони долари по сезона, секогаш добро информираниот Фабрицио Романо тврди дека сумата за преселба на Роналдо во Ал-Наср ќе му донесе 200 милиони евра годишно, ако се земат во предвид парите кои тој ќе ги добива преку доплнителни комерцијални договори со саудиската држава. Според Романо, договорот е до 2024 година, односно на две и пол сезони.
„Пресреќен сум за новото искуство во поинква лига и во друга земја, а визијата која Ал-Наср ја има е многу инспиративна. Возбуден сум и едвај чекам да се приклучам на моите соиграчи и се надевам дека ќе донесам голем успех за тимот“, изјави Роналдо.
