ЗЕЛЕНСКИ ОБЈАВИ ФОТОГРАФИИ ОД БАХМУТ: Нема место што не е облеано во крв (ФОТО)

Претседателот на Украина Володимир Зеленски на Телеграм објави фотографии од Бахмут, за кои вели дека е уништен од руската армија.

-Минатата година таму живееле 70.000 луѓе. Сега таму останаа само неколку цивили. Нема место кое не е облеано во крв. Нема час кога не се слуша страшниот татнеж на артилерија. Сепак, Бахмут стои. Нашите одбранбени сили стојат. Украински Донбас стои – тврди Зеленски.

Претседателот на Украина ја оцени ситуацијата во Донбас, на истокот на Украина, како „тешка и болна“.

-Бахмут, Кремина и други области во Донбас, сега бараат максимална сила и концентрација. Ситуацијата таму е тешка, болна – рече претходно Владимир Зеленски во видео-обраќање.